வேலாயுதம்! - இது படமல்ல..காவியம்!

டிஸ்கி 1: நிச்சயமா இது கலாய்த்தல் பதிவல்ல!

டிஸ்கி 2: ஒரு செயலின் விளைவாக நடைபெறக்கூடிய இன்னொரு சாத்தியம் பற்றிய குட்டிக்கதை முயற்சி அவ்வளவே!


'அண்ணா அவரு பெட்டிய மறந்து வச்சுட்டு போயிட்டாரு'

வேலாயுதம் அவசரமாக படிகளில் இறங்கி பெட்டியை எடுத்துக் கொண்டான்.

எங்கே அவர்?

அதோ! கீழே இறங்கிப் போயிட்டிருந்தார்.

ஜனத்திரளில் வேகமாக முன்னேற முடியாமல்...அவஸ்தைப்பட்டு ...ஒரு வழியாக வெளியில் வந்து பார்க்க..

எங்கே போனார்?

நிறையப் பணம் இருக்கும் போலிருக்கே!

என்ன பண்ணலாம்?

வேகமாகச் சிந்தித்து.......

'ஆட்டோ...!'

*************

'எப்புடி கரெக்டா புடிச்சாங்க பாத்தியா..தமிழ்நாடு போலீஸ்னா சும்மாவா?'

டீக்கடையில் மாரி! கையில் பத்திரிகையில்

தலைப்புச் செய்தி...

தீவிரவாதி வேலாயுதம் கைது!

பிரஸ்தாப நபர் போலீஸ் ஸ்டேசனுக்கு சூட்கேஸ் குண்டு வைக்க முயன்ற வேளையில்.... 

**************

விளைவு!

அடித்து துவைத்து அரைமயக்கத்திலிருந்த வேலாயுதம் கையெழுத்திடப்பட்டான்! 

தொலைக்காட்சிச் செய்தியில்!

.....தீவிரவாதிக்கு உடந்தையாக இருந்த அவரது தங்கை, மாமா, மாமன் பொண்ணு, நண்பன், ஆட்டோக்காரர், ஆட்டோக்காரர் வழியில் இறங்கி சோடா குடித்த பெட்டிக் கடைக்காரர், தீவிரவாதி ட்ரெய்னில் வந்தபோது கூடவே வந்த டி.டி.ஆர் கஜேந்திரன், பிச்சைக்காரன் போண்டாமணி உட்பட முப்பத்தைந்து பேர்....

'அத்தனை பேரையும் தூக்கில போடணும்!' ஆத்திரத்தில் கையிலிருந்த இந்து பத்திரிகையைக் கசக்கி எறிந்தவாறே கொந்தளித்தார் காந்திதாசன்!

நீதி!
ஏய்யா... நீ ஏதாவது சொல்ல விரும்புறியாய்யா? - நீதிபதி பாப்பையா!

'உலக தங்கச்சிங்கள எல்லாம் கேட்டுக்கிறேன்!

துணிக்கடைக்குப் போனா சேலைங்களைப் பாருங்க....சுடிதாரப் பாருங்க...போரடிச்சா பக்கத்தில நிக்கிற ஆன்டியோட நெக்லஸைப் பாருங்க...இவ்வளவு ஏன்? அழகான பையன்கள் நின்னா திருட்டுத்தனமா சைட் அடிங்க...வேணாங்கல!' 

'ஆனா தயவு செய்து...'

'எவனோ மறந்துபோய் விட்டிட்டுப் போன பெட்டிய பாக்காதீங்க!
பார்த்தாலும் அத அண்ணன்காரங்க கிட்ட சொல்லாதீங்க!'

டிஸ்கி 3: இந்த காத்திரமான, நீதிக்கதையின் மூலம் நானும் ஒரு சமூக அக்கறையுள்ள பதிவர் என்பதை நீங்கள் ஏற்றுக் கொள்ளத்தான் வேண்டும்!

டிஸ்கி 4: அப்படி ஏற்றுக் கொள்ளாத பட்சத்தில், தொடர்ந்து ஏழாம் அறிவு, மங்காத்தா கதைகள் எழுதுவேன்!