லவ் பண்ணுங்க! ஈழத்து அண்ணி! பஸ்ல உட்கார்ந்து யோசிச்சது!

பஸ்ல உட்கார்ந்து யோசிச்சது!

வார இறுதிப் பேரூந்துப் பயணங்களில் ஏதாவது மொக்கைப் படம் போட்டு நம்மாளுக தூங்கவே விடுறதில்லையா? கொட்டக் கொட்ட முழிச்சுக் கொண்டிருக்கும் போதுதான் நம்முடைய மகா சிந்தனையைத் கோக்குமாக்கா தூண்டி விடுறமாதிரியே ஏதாவது சம்பவம் நடக்குது!

இப்பிடித்தான் போனவாரம் அர்ஜூன் நடிச்ச அன்புச்சகோதரன்னு ஒரு படம்! சின்னவயது அண்ணனும், தங்கச்சியும் ரொம்ப பாசமா இருக்காங்களா, அம்மாவும் அதப்பாத்து சந்தோஷப்படுறாங்களா..அப்புறம் அடுத்த சீன்லயே அம்மா மேல டிக்கட் வாங்கிடுறா! - இந்த சீன்ல சுத்தி இருந்த சிலபேர் உச், ஸ்ஸ்..போன்ற இன்னபிற ஒலிகளை எழுப்பினார்கள்!

அப்பத்தான் எனக்குள்ள தூங்கிட்டிருந்த சிந்தனாவாதி முழிச்சுக்கிட்டான்!

இவங்க திருந்தவே மாட்டாங்களா? இதுக்கெல்லாம் அதிர்ச்சியாகலாமா?  எவ்வளவு படம் எடுத்திட்டாங்க? அதையெல்லாம் பார்த்தும் கொஞ்சமாவது அடிப்படை அறிவு வேணாமா?

'அன்புச்சகோதரன்'னு பேர் வச்சுட்டு அம்மாவை உசிரோட விட்டுவைக்கலாமா? அப்புறம் எப்பிடி அண்ணன் - தங்கச்சி பாசத்தைக்காட்டுறது? தங்கச்சிய ஒரு கெட்டவன் கையில பிடிச்சுக் கொடுக்கிறது? இல்ல தங்கச்சியே ஒரு கெட்டவனோட ஓடிப்போறது? அப்புறம் ரெண்டுபேரும் மாறி மாறி அழுறது? புரிஞ்சிக்கவே மாட்டேங்குறாங்க!

ஈழத்து அண்ணி!

திடீர்னு ஈழத்து அண்ணியைப் பாக்கோணும்னு தோணிச்சா கூகிள்ல விஜயலட்சுமின்னு தேடினப்போ கிடைச்சது மேலேயுள்ள படம்! (ஸ்ஸ் அப்பாடா!)

கடைசியா 'சரோஜா'வில பார்த்தது..ஏன் இப்பல்லாம் பார்க்க முடியல? இப்போ எங்கே, என்ன பண்றாங்க?

அப்புறம்தான் தெரிஞ்சுது. ஈழத்து அண்ணியைத் தேடனும்னா விஜயலட்சுமி சீமான்னு டைப் பண்ணனும்னு! முடிவே பண்ணிட்டாங்களா!

ஆமா..ஈழத்து அண்ணியோட குறிப்பிடத்தகுந்த கலைப்படைப்புகள், ஆவணப்படங்கள் ஏதாவது வெளியாகி இருக்கா? 

ஆனா பாருங்க ஈழத்து அன்னை, ஈழத்து அண்ணன், ஈழத்து அணில், ஈழத்து அப்பா அணில் வரிசையில் ஈழத்து அண்ணியும் இணைந்து கொண்டது ஒரு புது நம்பிக்கையைக் கொடுக்கலாம் சிலருக்கு!

லவ் பண்ணுங்க!

'லவ் பண்ணுங்க சார் லைஃப் நல்லா இருக்கும்!'

சொன்னவனுக்கு மட்டுமில்ல..யாரப் பார்த்து சொன்னானோ அவனுக்கும் சேர்ந்து லைஃப் 'வெளங்கின'தை நாம மைனாவில பார்த்தோம்!

ஆனா கொஞ்சம் டீப்பா யோசிச்சா அது சரின்னே தோணுது! ஆனா யாருக்கு என்றதுதான் யோசிக்கவேண்டிய விஷயம்!

லவ் பண்ணும்போது,

உங்க செல்போன் சிம் கம்பெனிக்காரனுக்கு,

நீங்க அடிக்கடி லவ்வரோட போற ரெஸ்டாரெண்ட்காரனுக்கு,

பைக்ல சுத்தினா பெட்ரோல்செட்காரனுக்கு,

லவ்வரோட போகும்போது முன்னாடி வாற பிச்சைக்காரனுக்கு,

நீங்க அடிக்கடி கிஃப்ட் வாங்குற கடைக்காரனுக்கு,

லவ் ஊத்திக்கிச்சுன்னு வையுங்க..அதால நீங்க ஒரு நல்ல குடிமகனாயிட்டா நாட்டுக்கே நல்லது!

தப்பித்தவறி லவ் சக்சஸ் ஆகிடிச்சுன்னு வையுங்க 'எஸ்'ஸான அந்த முகந்தெரியாத யாரோ ஒருத்தனுக்கு லைஃப் நல்லாயிருக்கும்!

மொத்தத்தில சரியாத்தான் சொல்லியிருக்காங்க!