லண்டன் கலவரத்தை அடக்க கோத்தாபாய?, மங்காத்தா!

'எங்கள் நாட்டு பாதுகாப்பு செயலரை (கோத்தாபாய ராஜபக்சே) லண்டனுக்கு அனுப்பினா, ரெண்டு நாள் மேக்சிமம்! கலவரம் முடிவுக்கு வந்திடும்'

இன்று மதிய உணவு வேளையின்போது நம்ம ரெசிடென்சில டீ.வி. பார்த்துக் கொண்டே சாப்பிட்டோமா...அப்போ லண்டன்ல என்ன நடக்குதுன்னு காட்டிட்டு இருந்தாங்களா..அப்போதுதான் நம்ம கன்சல்டன்ஸ் மாமா ஒருத்தருக்கு இந்த சூப்பர் ஐடியா வந்துச்சு!

அவர் ஜோக்கடிக்க, பக்கத்தில இருந்த இன்னொரு மாமாவும் பெரிதாகச் சிரித்துக் கொண்டார்! எனக்கு ஒரு டவுட்! ஒருவேளை சீரியசாகக் கூட சொல்லியிருக்கலாம்! சொல்லமுடியாது! அங்கே நான் மட்டும்தான் தமிழ்! மற்றதெல்லாம் சிங்கள அங்கிள்ஸ்!

எனக்கு என்னென்னமோ தோணிச்சு! வாய்க்குள்ள சோறு இருந்ததால கஷ்டப்பட்டு என்னைக் கட்டுப்படுத்திக் கொண்டேன்! சாப்பாடு ரொம்ப முக்கியம் இல்லையா? மற்றபடி நானும் தன்மானத் தமிழன்தான்! நம்புங்கப்பா!

'நியாயம், தர்மம், நேர்மை இவையே என்றும் வெல்லும்' ஏற்று யாரோ, எதுக்கோ, எப்பவோ போறபோக்கில சொல்லிட்டுப் போனதையே இன்னும் சீரியஸா நம்பிட்டு பலபேர் இருக்கலாம்! (நானும்கூட)

அதையே உல்டாவா எடுத்துகிட்டு வெற்றிபெற்றவர்கள் நியாயவாதிகள், நல்லவர்கள் என்று நம்பிட்டே, புத்தனின் நேரடி வாரிசுகளாகவே தங்களை நினைச்சுட்டு, இவனுங்க பண்ற அலப்பறை தாங்க முடியல! அட்வைஸ் என்ன..தத்துவங்கள் என்ன! கடவுளே என்னை ஏன் இவனுங்க கூட எல்லாம் சேர வைக்கிறே?

சிலவேளைகளில் கோபம் வந்தாலும், பலவேளைகளில் அழுவதா, சிரிப்பதா என்றே தெரியாத உணர்வு! ஆனால் பாருங்க இடைவிடாத ஆணிகளுக்கு மத்தியில் இவனுங்க காமெடிதான் கொஞ்சம் ரிலாக்சாவும் இருக்க வைக்குது!     

டாஸ்மார்க்!

அலுவலகத்தில் எல்லோருக்கும் செம்ம ஆணி! நம்ம ரெசிடென்சில் வந்தும் இரவிரவா பிடுங்கிட்டு! மண்டை காய்ஞ்சு போய் கிடைத்த ஒரு கேப்பில் நம்ம கன்சல்டன்ட் மாமா ஒருவர் தாக சாந்தி செய்யலாமா என்ற ஐடியாவை முன்வைக்க, இருவரும் நடந்து சென்றோம் இடம் தேடி!

புது இடம் ரெஸ்டாரென்ட், ஹோட்டல் எதுவும் இருவருக்கும் தெரியவில்லை. தான் ஒரு இடம் பார்த்ததாகச் சொன்ன மாமா கூட்டிச் சென்ற இடம்..அச்சு அசலாக சினிமாவில் பார்த்த டாஸ்மார்க்! இப்படி ஒரு இடத்தை வாழ்க்கையில நான் நேர்ல பார்த்ததே இல்லை. பிளாஸ்டிக் மேசை, கதிரைகள், சத்தம், சுத்தம் எல்லாம் அப்படியே!

ஆளுக்கு ஒரு பியர் ஓடர் பண்ணிட்டு காத்திருக்க, எனக்குப் பின் டேபிளில், ஒரு குடிமகன் தாழ்வான குரலில் தனது சமுதாய அக்கறையை வெளிப்படுத்திக் கொண்டார்!

"அங்க பாருங்க, எத்தினை வயதிருக்கும்?"
"ம்ம்ம்... இப்ப..சின்னப் பெடியளெல்லாம் " மற்றவர்.

'இனி ஷார்ட்ஸ் போட்டுக் கொண்டு இந்தமாதிரி இடத்துக்கு வரக்கூடாது!' 

மங்காத்தா!

மங்காத்தா Ocean elevan இன் உல்டா என்பதை பலர் ட்ரெய்லர் பார்த்து உறுதி செய்துள்ளார்கள்! இருந்துட்டுப் போகட்டும்!

நிச்சயம் மங்காத்தா தமிழ்சினிமாவின் அற்புதமான முயற்சியாகவோ, மைல் கல்லாகவோ இருக்கப்போவதில்லை!
அஜீத், George Clooney யைத் தாண்டப் போவதில்லை!

இது போன்ற இன்னபிற அலப்பறைகளைச்  சந்திக்கவேண்டிய அபாயம் இல்லாமல், காலங்காலமாக தமிழ்சினிமா காப்பியடித்த ஆயிரக்கணக்கான படங்களில் ஒன்றாகவே இருக்குமென்பதால் பயமேதுமில்லை!

நானும் ட்ரெய்லர் பார்த்தேன்! வழக்கமான 'தல' படங்களின் ட்ரெய்லர் போலவே கலக்கல்! 

ஆனா என்ன படம் வழக்கம் போல இல்லாம இருந்தால் சரி!

ட்ரெய்லர் எல்லாம் நல்லாய்த்தான் எடுக்கிறாய்ங்க.... ம்ம்ம்..பார்க்கலாம்!