விஜயின் துப்பாக்கி, மயக்கம் என்ன? - பஸ்ல உட்கார்ந்து யோசிச்சது!

பேரூந்தில்.... 

கடந்த ஞாயிறு நம்ம இருக்கைல உட்காரும்போது எனக்கு பக்கத்தில யன்னலோரமா ஒரு அங்கிள்! பார்க்க டீசண்டா இருந்தார். ஆனா கொஞ்சம் நம்ம பக்கம் திரும்பின மாதிரியே உட்கார்ந்திருந்தாரா? என்னடா ஏன் இப்பிடி இருக்கார்னு அந்தப்பக்கம் திரும்பினா...

அந்தப்பக்கம் நாலைந்து இளம் கன்னியாஸ்திரிகள் இருந்தாங்க! அட பயபுள்ள அவிங்களையா சைட் அடிக்குது? என்ன கொடுமை பரம பிதாவே!

ஒருவேளை அவரோட மகள் யாராவது கன்னியாஸ்திரியா போயிருக்கக் கூடுமோ? அதான் ஒரு தந்தைப் பாசத்தோட பார்த்திருப்பாரோ?- எதையும் எடுத்தவுடன் தப்பா நினைக்கக் கூடாதில்ல? எது எப்படியோ நடுவில நந்தி மாதிரி நாம எதுக்கு? அந்த யன்னலோர இருக்கையை எனக்குக் கொடுத்தா நல்லா இருக்குமேன்னு யோசிக்க, என்ன ஆச்சரியம் அவரே கேட்டார்!

அதுக்கப்புறம் நான் அவரை டிஸ்டர்ப் பண்ணல! நம்ம எல்லாரையும் டிஸ்டர்ப் பண்ண பஸ்காரங்க ஏதோ ஒரு மொக்கைப் படத்தைப் போட்டாய்ங்க. பொன்வண்ணன் வந்து தமிழ் வாத்தியார் மாதிரி திருக்குறளா சொல்லிட்டிருந்தாரு. அதிசயமா நான் ஆரம்பத்திலேயே தூங்கி, இரவு முழுவதும் நல்ல தூக்கம்! - சமீபத்தில இது ஒரு சாதனைதான்!

துப்பாக்கி
விஜய் - முருகதாஸ் இணையும்படம் 'துப்பாக்கி'யாம்!

முதல்ல 'மாலை நேர மழைத்துளி' என்று சொன்னார்கள்! நல்லதொரு பெயர்!கவிதைத்தனமா கவுதம் மேனன் ஸ்டைல்ல இருந்திச்சு! அப்புறம் ஆக்க்ஷன் படம்னதும் மாத்திட்டாங்க போல! இப்போ பேரரசு ஸ்டைல்ல பேர் வச்சுட்டாங்க! 'துப்பாக்கி'ய விட 'பீரங்கி' ன்னு வச்சிருந்தா இன்னும் மாஸ் அதிகமாயிருக்கும்னு தோணுது! நல்லபடியா மிஸ் ஃபயராகாம சுட்டா சரி!

Push & Pull குளறுபடி!

அதென்னவோ தெரியல அப்பப்போ Push, Pull கன்ஃபியூஸ் பண்ணுது!

Push - தள், Pull - இழுன்னு எல்லாருக்கும் தெரியும்! அதில ஒண்ணும் பிரச்சினை இல்லை. அலுவலகங்கள், கடைகளில் வெளியிலிருந்து உட்பக்கமாக தள்ளும்படியாகவே கதவுகள் அமைப்பது முறை! அதுவும் பிரச்சினை இல்லை.

எங்கே வில்லங்கம் ஆரம்பிக்குதுன்னா நமக்கு நல்லாப் பழகின எங்க அலுவலகத்திலேயே அவசரமா கதவைத் திறக்கும்போது கதவில Pullன்னு எழுதியிருக்கிறதைப் பார்க்கலேன்னா ஒக்கே! பார்த்துட்டோம்னா அவ்வளவுதான் நம்ம கண்ட்ரோல் இல்லாமலே யோசிக்காம Pullலைத் தள்ளிடறேன்.

ஒருவேளை நம்ம மூளை புல் - தள் ஒத்த சொற்கள் என்று உச்சரிப்பின் அடிப்படைல புரோகிறாம் பண்ணி வச்சிருக்குமோ? எதையும் யோசிக்காம கை இயல்பாகவே தள்ளிடுதோ? 

அவசரமா அக்கம்பக்கம் பார்த்து, யாராவது பாத்திருப்பாங்களோ ? பல்பு நிச்சயமாயிடுச்சான்னு யோசிக்கவேண்டியிருக்கு! நமக்கு மட்டும்தான் இந்தப்பிரச்சினையா அல்லது எல்லாருக்கும் இருக்குமா?

மயக்கம் என்ன? - பஸ்ல உட்கார்ந்து யோசிச்சது!

'மயக்கம் என்ன' பார்த்தப்போ ஒரு விஷயம் தோணிச்சு! தனுஷோட ஃபிரண்ட முதல்ல பார்த்த உடனேயே இது ஒரு கேன! இதோட கேர்ள் ஃபிரண்ட வேற யாராவது ஈஸியா லபக்கிடுவான்னு எல்லாருக்கும் தெரிஞ்சிடுது. போதாக்குறைக்கு அந்தப் பொண்ணே ஒரு சீன்ல அவனைப் போய் யாராவது லவ் பண்ணுவாங்களான்னு கேட்குது!

ஒரு நல்ல ஃபர்பெக்டான பிரண்டைக்காட்டி, அவனை விட்டுட்டு தனுஷை அந்தப்பொண்ணு லவ் பண்றமாதிரி காட்டியிருந்தா, இன்னும் நல்லா, யதார்த்தமா இருந்திருக்கும்.

பர்ஃபெக்டா இருக்கிறவனத்தானே பெண்கள் விரும்புவாங்க? அப்பிடி ஒருத்தனை விட்டுட்டு சோப்ளாங்கியா இருக்கிறவன எப்பிடி லவ் பண்ணுவாங்க? அதில லாஜிக்கே இல்லையே? இதுல என்ன யதார்த்தம்? என்றெல்லாம் யாராவது கேட்டால்,

ஸாரி பாஸ், நீங்க 'யூத்' கிடையாது! நடைமுறை வாழ்க்கையை நீங்க பார்க்கல! உங்களைச் சுத்தி என்ன நடந்திட்டிருக்குன்னு கவனிக்கல! அவ்வளவுதான் சொல்ல முடியும்!

லாஜிக்!

சினிமா பாத்துட்டு லாஜிக் இல்லைன்னு சொல்றோம்! ஆனா நம்ம வாழ்க்கைல நடக்கிற நிறைய விஷயத்துக்கு சுத்தமா எந்த லாஜிக்குமே  இருகிறதில்ல! நாங்களும் அதைக் கண்டுகொள்வதில்லை!