ஒஸ்தி, பெண்கள் ஜாக்கிரதை!

ஒஸ்தி!

பஸ்ல ஒஸ்தி போட்டாங்க! படத்தின் ஹீரோ ஒப்பனிங் மிக அருமையாக இருந்தது! தேவையே இல்லாமல் ஒரு கட்டடத்தை உடைத்துக்கொண்டு ஜீப் பாயுது! ஜீப் பாயும்போதே..ஹீரோ ஜீப்லருந்து வெளியே பாய்ந்து, அப்படியே முன்பக்கத்தில் உட்கார்ந்து கொள்கிறார்! இயக்குனர் தரணி, பேரரசுவின் குரு என்பதை நாம மறக்கக்கூடாது!

சிம்பு சைலண்டா எப்பிடி அடியாட்களை அடித்தார் எனக் காட்டும்போது, பார்க்கிறவங்களுக்கு எல்லாம் ஊமைக் குத்தா வலி! அந்தக் காட்சிகள்ல 'டைரக்டர் டச்' (ஆமா அப்பிடீன்னா என்ன?) தெரிஞ்சுது! ஹீரோ ஒப்பனிங் பாடல்லயே தூங்கித் தொலைச்சுட்டதால படத்தை/ரிச்சாவை மிஸ் பண்ணிட்டேன்!

அடுத்தாப்ல தரணி தேசிய விருது வாங்கிறமாதிரி படம் எடுக்கப்போறதா சொல்லிட்டுத் திரியுறாப்ல!

மெய்யாலுமே 2012 ல உலகம் அழிஞ்சிடும்போல இருக்குலே!

பெண்கள் ஜாக்கிரதை!

என்னதான் காட்டுக்கத்தல் போட்டு எச்சரிக்கையா இருங்க உங்கள் பாதுகாப்பை நீங்கள்தான் உறுதி செய்து கொள்ளவேண்டும் இப்படியெல்லாம் லிஸ்ட் போட்டு, படம் போட்டு விழிப்புணர்வு ஏற்படுத்தினாலும், யாரும் காதில வாங்கிறதாத் தெரியல! அதது பாட்டுக்கு நடந்துகிட்டுத் தானிருக்கு! பப்ளிக்கிலயும் வந்திடுது!

ஒருவேளை என்னதான் ஆகப்போகுது...போனாப் போகுதுன்னு லூஸ்ல விட்டுடுறாங்களோ?

முகப்புத்தகத்தின் சுவரில் அராத்து எழுதிய வரிகள்...

'இத்தனை ஸ்கேண்டல்கள் வந்தும் பெண்களின் அஜாக்கிரதையைப் பார்த்தால் பெண்புத்தி Fun புத்தியோ என சந்தேகம்!'

என்னமோ போங்க!

பெண்கள்! - ரொம்ப ஜாக்கிரதை! - நான் என்னைச் சொன்னேன்!

எனக்கும், பெண்களுக்குமான ராசி அப்பிடி யோசிச்சாலும் புரிபடாதது! முன்பின் தெரியாத பெண்கள் கூட என்மேல் காட்டும் அன்பு அற்புதமானது! அளவிட முடியாதது!
தெரியாத பெண்களே அப்பிடீன்னா..கொஞ்சமாவது தெரிஞ்ச பொண்ணுங்க?

ஆஃபீஸ்ல ஏகப்பட்ட ஆணி! அந்தப்பக்கம், இந்தப்பக்கம் திரும்பாம உட்கார்ந்து, புடுங்கி, டயர்டாகி இடைல எழுந்து தண்ணி குடிக்கப் போனேன். 

நாம பாட்டுக்கு வழக்கம்போல பரட்டைத்தலை, கொஞ்சம்தாடி, கொஞ்சம் யோசனையோட பேய்த்தனமா போயிட்டிருந்தேனா.. 

நம்ம பக்கத்து பில்டிங் ஆஃபீஸ் பொண்ணு வழிமறிச்சுது! என்னடா வில்லங்கம் ரூட்ல கிராஸ் பண்ணுதேன்னு யோசிக்க...

ரொம்ப சீரியஸா வந்து ஒரு கேள்வி கேட்டுச்சு பாருங்க..

'ஜீ, உங்களுக்கு இந்த லைஃப் பிடிக்கலேன்னா நீங்க செத்துப் போயிட்டு, அடுத்த ஜென்மம் எடுத்து சந்தோஷமா வாழலாமே..'

ஒரு நிமிஷம் ஒண்ணுமே புரியல! காதுல கீ.. ன்னு கவுதம் மேனன் பட சவுண்ட் கண்டினியூவா கேட்ட மாதிரி இருந்திச்சு! என்னாங்கடி நடக்குதிங்கே?

அப்புறம் எனக்கு வந்திச்சு பாருங்க கோபம்! 

வந்த கோபத்துல..

பேசாம போய் ஐஸ் வாட்டர எடுத்து 'மடக் மடக்'குன்னு குடிச்சிட்டு வந்துட்டேன்!           

என்னா கொலவெறி?

என்ன கொடுமை சார்?

நம்ம தளத்துக்கு எப்பிடியெல்லாம் search  பண்ணி ஆளுங்க வர்றாங்கன்னு பார்த்தேன்.

A walk to remember ,போதிதர்மன், hummer , Malena,  கரிகாலன், சினிமா பரடைசோ - இப்பிடில்லாம்! இதெல்லாம் சரி!

எனக்கே தெரியாம, புதுசா ஒண்ணு இருந்திச்சு பாருங்க ஆடிப்போயிட்டேன். அது - திரிஷா வீடியோ! - இதெப்பிடி வந்திச்சு? நான் எங்கே எழுதினேன்?

எனக்கு கூகிள் மேல பயங்கரக் கோபம்!

ஒரு நியாயம் வேணாமா?

அவனே ஒழுங்கா விளக்கமில்லாமத்தானே கூகிள்ல சர்ச் பண்றான்? கொஞ்சம்கூட மனச்சாட்சியே இல்லாம அந்தப் பச்சப்புள்ள மனசை நோகடிக்கலாமா? ஒரு உண்மையான தேடலோட வர்றவன் இங்க ஒண்ணுமே இல்லைன்னதும் எவ்வளவு மனசு கஷ்டப்படுவான்? கொஞ்சம் விவரமா இருக்கவேணாமா?

என்ன கொடுமை கூகிள் சார்?