வணக்கம் நண்பர்களே!

கடந்த சிலநாட்களாக இடமாற்றம் (திருகோணமலையில்), கடும் உடல்நலக்குறைவு காரணமாக பதிவுலகப் பக்கம் வரமுடியவில்லை.  இடையில் மின்னஞ்சலில் தொடர்புகொண்டு விசாரித்த ஏராளமான (3 பேர் ) அன்புள்ளங்களுக்கு நன்றியைத் தெரிவித்துக் கொண்டு, 

நாங்க எல்லாம் வேலை வெட்டி இல்லாம தான் பதிவெழுதவே வந்தவய்ங்க என்பதை மிக்க மகிழ்ச்சியுடனும், பெருமையுடனும் கூறிக்கொள்ளும் அதேவேளை, தற்போது மீண்டும் வேலை கிடைத்துவிட்டது என்பதை சற்றே மனவருத்தத்துடன் பகிர்ந்துகொள்கிறேன்.

அது ஒரு புதிதாக நிறுவப்பட்ட திட்டப் பணிமனை (Project Office) என்பதால் இன்னும் சரிவர இணையம் உள்ளிட்ட வசதிகள் வழங்கப்படவில்லை.

நாம வேற அலுவலகத்தில் நுழைந்ததும் நுழையாததுமா ஆர்வக் கோளாறுத்தனமா இணையம் இருக்கான்னு அங்கே இருந்த சிங்கள அக்காவைக் (அலுவலக உதவியாளினி) கேட்க, அவ என்னை ஒருமாதிரியா ஏற இறங்கப் பார்த்து (வந்த உடனேயே எதைக் கேக்குது பாரு! வெளங்கிரும்! - நாம கண்டுக்கல விட்றா விட்றா இதெல்லாம் புதுசா நமக்கு?) மிக விரைவில் என்றார்.

அப்படியே வந்தாலும் ஆணி அதிகம் இருக்கும்போல தோன்றுவதால், சனி ஞாயிறுகளில் வீட்டிலிருந்தே (கொழும்பில்) நண்பர்களின் தளங்களுக்கு வர முடியும் என நினைக்கிறேன். அப்படியே முடிந்தால் நானும் அப்பப்ப ஏதாவது எழுதுவேன்! (அப்பாடா! ஒழிஞ்சாண்டா!)

அப்புறமென்ன நண்பர்களே! வார இறுதிகளில் சந்திக்கிறேன்!