கரிகாலன்,300,ஆட்டுக்கல்லுக்கு மாலை!

கரிகாலன் 

விக்ரமின் அடுத்த படம் சோழ அரசன் கரிகாலன் பற்றிய படமாம்! கரிகாலனின் மனைவியும் ஒரு தமிழச்சியாகவே இருந்திருக்க வேண்டும்! அதனால் வழக்கம்போல அந்தப் பாத்திரத்தில் யாரோ ஒரு தமிழே தெரியாத பாலிவூட் நடிகை நடிப்பார் எனத்தெரிகிறது!

கி.மு.270 முதல் கி.பி.2012 வரை எனக்குறிப்பிடப்பட்டிருப்பது லேசான பீதியைக் கிளப்பினாலும் (எல்லாம் ஆயிரத்தில் ஒருவனால்தான்!) தமிழ் மன்னன் ஒருவனின் வரலாறு பதியப்படுவது நல்ல முயற்சி!

ஆனால் பாருங்க ஆயிரத்தில் ஒருவனைப் பாத்துட்டு இதுதான் தமிழன் வரலாறுன்னு ஒரு கூட்டம் புதுசா தமிழன் வரலாறு பேச கிளம்பின மாதிரி இல்லாம நல்லபடியா வரவேண்டும்.

ஒரு இணையத்தில போட்டிருந்திச்சு! விக்ரமின் நடிப்பில் மற்றுமொரு வரலாற்றுச் சிறப்புமிக்க படமாய் (அதாவது முதல் வரலாற்றுச் சிறப்புமிக்க படம் தெய்வத்திருமகளாமாமாம்!) அமையவிருக்கிறது என  படத்தின் ஃபர்ஸ்ட் லுக்கே சொல்கிறது! - இப்படிச் சொன்னதாலதான் போஸ்டரைப் பார்த்தேன்!

நல்லாத்தான் இருக்கு கூடவே இன்னொரு படத்தின் ஞாபகமும் வந்திச்சு!

300 - Prepare for Glory 

1998 இல் வெளிவந்த காமிக்ஸ் சீரிசான 300 இலிருந்து எடுக்கப்பட்ட படம்தான் 300. அந்த காமிக்ஸ் 1962 இல் வெளியான The 300 Spartans படத்தின் பாதிப்பில் உருவானதாம்!

கி.மு. 480 இல் நடந்ததாக கூறப்படும்/நம்பப்படும் Leonidas என்ற ஸ்பார்ட்டாவின் அரசனின் வரலாற்று/புராண நம்பிக்கையின் அடிப்படியிலான Battle of  Thermopylae என்ற புகழ்பெற்ற யுத்தம் பற்றிக் கூறுகிறது!

2007 இல் வெளியாகி மிகுந்த வரவேற்பைப் பெற்றது! மிக விறுவிறுப்பான சண்டைக்காட்சிகள். படம் பார்த்ததிலிருந்து சிலகாட்சிகள் அப்படியே பதிந்துபோய்விட்டது! மகாதீரா என்ற புகழ்பெற்ற(?!) தெலுங்குப் படத்தைத் தவிர்க்கமுடியாமல் பார்த்தபோது அதன் சண்டைக்காட்சிகளும் ஏனோ 300 படத்தினையே நினைவூட்டியது!

எல்லாவற்றையும் விட என்னை மிக மிகக் கவர்ந்தது படத்தின் பின்னணிக் காட்சிகள் அனைத்தும் கிராபிக்ஸ் என்பதே! நீலத்திரையைப் பின்புலமாக வைத்துப் படம் பிடிக்கப்பட்டு அதன்பின்னர் கிராபிக்ஸில் வடிவமைக்கப்பட்ட பின்னணிக் காட்சிகள் இணைக்கப்பட்டது! இதை Digital Backlot என்கிறார்கள்!

அதனால் படத்தின் Behind the Scenes பார்க்கும்போது, மிக சுவாரஸ்யமாக இருப்பதுடன் ஒவ்வொரு சிறு காட்சிக்குப் பின்னாலுள்ள கடுமையான உழைப்பும் தெரியும்!

ஆட்டுக்கல்லுக்கு மாலை!

நண்பர் ராஜனுடன் ஒரு கடையில் சாப்பிடும்போது ராஜன் சொன்னார் வெளில பார்க்க நல்ல ஷோவா இருந்திச்சு! கடைசில ஆட்டுக்கல்லுக்கு மாலை போட்ட கதைதான் என்றார்! என்ன கதை? என்றேன்.

ஒரு போலிச்சாமியார் ஹோட்டல் ஒன்றில் தோசை ஓடர் பண்ணிச் சாப்பிட்டிருக்கிறார். தோசை நல்லாவேயில்லை. கடுப்புடன் சாப்பிட்டு பணம் கொடுத்துவிட்டு வெளியேறும் போது தற்செயலாக கவுண்டர் பக்கம் பார்த்தவர் கோபத்தின் உச்சிக்கே போய் ஒரு கமென்ட் அடித்தாராம்!

'அவையின்ர தோசையின்ர திறத்தில (தரத்தில) ஆட்டுக்கல்லுக்கு ஒரு ஃபோட்டோ! மாலை!'

- அங்கே ஒரு சிவலிங்கத்தின் படம் மாட்டியிருந்தது!

Tweet