தமிழக மீனவர்களுடன் ராகுல்...

ஏழைகளின் குறைகளைத் தெரிந்து கொள்ள, துன்பத்தை அறிய, எளிமையைப் பறை சாற்ற இப்படி என்னென்னமோ காரணத்துக்காக ஏழைகளின் குடிசையில் ஒருநாள் வாழ்க்கை என்ற அரசியல் 'ஸ்டண்ட்' களை அடித்துவந்த  ராகுல் ஒருமுறை தமிழக மீனவர்களுடன் ஓரிரவு மீன்பிடிக்கப் போகலாமே! (தப்பி வந்தா, தேர்தல் சமயத்தில உதவும்தானே!) 

******************************

என்னைத்தூக்கிக் கடலில் போடுங்கள் கடலில் போடுங்கள் என்று ரொம்பக் கெஞ்சுகிறாரே தமிழினத் தலைவர்,  பாவம் கடலில் எல்லாம் போடவேணாம். அப்படியே குண்டுக்கட்டாகக் கட்டித் தூக்கிக்கொண்டு ஒரு கடற்பயணம் செல்லலாம்! (குடும்பத்தையே அழைத்துச் சென்றால்?)

ஆனால் தலைவரை அழைத்தாலே வரக்கூடும்! ஈழத்தமிழருக்காக மூன்றுமணி நேரம் உண்ணாவிரதம் இருந்து உண்ணாவிரதத்துக்கே 'ஒரு தனி வரைவிலக்கணம்' கொடுத்தவர் தன் சொந்த மண்ணுக்காக இதுகூடச் செய்யமாட்டாரா?

காய்கறி விற்கும் இராணுவம் - கொழும்பு

கொழும்பில் சிலபல பகுதிகளில் இராணுவத்தினர் காய்கறி விற்கிறார்கள்! 

சர்வதேசத்தில் தங்களுக்கு ஏற்பட்டிருக்கும் அவப்பெயரை மாற்றி தாம் மக்களின் நண்பர்கள், நலன்விரும்பிகள், சேவகர்கள் (சிங்கள மக்களுக்கு எப்போதும் அப்படித்தானே!) என்று வெளியுலகிற்கு 'ஸ்டண்ட்?'

ஆனால் ஒன்று! வெளியில் சந்தையில் வாங்கும் காய்கறிகளை விட நல்ல தரமாகவும், புதிதாகவும், அதேநேரம் பாதிவிலைக்கும் கிடைக்கிறதாம். நீண்ட வரிசையில் கூட்டம் சும்மா அள்ளுது!

******************************

சிலநாட்களாக காலையில் ஏழு மணியளவில் 'ஹெலிகாப்டர்' ஒன்று சுற்றிக் கொண்டிருக்கிறது! யாரோ பழகிறார்களோ(?!) என்று நினைத்தேன். அப்புறம்தான் தெரிஞ்சுது போக்குவரத்து நெரிசலைக் குறைக்கும் நடவடிக்கையாக 'டிராபிக் போலீஸ்' சுத்துறாங்களாம்! பார்ரா!! (நல்ல காரியத்துக்கு யூஸ் பண்ணினா சரிதான்!)  

  

Tweet